Bog wopokazujo swóju lubosć k nam w tom, až Kristus za nas jo wumrěł, ako hyšći grěšniki běchmy. (Rom 5,8)
Z dolnoserbskeje Biblije wót lěta 1868
I Jan 3,14–21
II Rom 5,1–5(6–11)
III Jez 5,1–7
IV Mt 26,36–46
V Mk 12,1–12
1[…] Za tobu, Kněžo, ja póžedam.
2Mój Bog, ja se naźejam na tebje. Njedaj mě pśiś k sromośe, aby se móje winiki nade mnu njewjaselili.
3Glich njepśiźo k sromośe žeden, kenž na tebje caka; ale k sromośe deje pśiś wóni, te njerodne zanicowarje.
4Kněžo, pokaž mě twóje drogi a wuc mě twóje sćažki.
5Wjeź mě w twójej wěrnosći a wuc mě, pśeto ty sy ten Bog, kenž mě pomoga, źeńk ak źeńk ja na tebje cakam.
6Spominaj, Kněžo, na twóju zmilnosć a na twóju dobroś, kótaraž wót zachopjeńka togo swěta how jo była.
7Njespominaj na grěchy mójeje młodosći, daniž na mójo pśestupjenje, spominaj pak na mnjo za twójeju zmilnosću, twójeje dobrośi dla.
8Bog Kněz jo dobry a wěrny, togodla rozwucujo wón grěšnikow na droze
9a wjeźo pónižnych pšawje, a wucy pónižnych swóju drogu.
Glědaj teke: Dolnoserbska Biblija wót lěta 1868 Ps 25,1–9
Za: Dolnoserbske perikopy. Wudawaŕka: Madlena Norberg. Chóśebuz: Źěłowa kupka Dolnoserbske perikopy 2011.
1Dokulaž smy něnt wupšawjone pśez tu wěru, mamy měr z Bogom pśez našogo Kněza Jezom Krista;
2pśez njogo mamy my wěrjece teke pśistup ku gnaźe, we kótarejž stojmy, a my se chwalimy naźeje teje pśichodneje kšasnosći, ako ju Bog dajo.
3Nic pak jano to, ale my chwalimy se tež we tešnosćach, dokulaž wěmy, až tešnosć wunjaso sćerpnosć,
4sćerpnosć pak pśinjaso wopokazanje, wopokazanje pak naźeju,
5naźeja pak njedajo zaginuś; pśeto Bóža lubosć jo wulata do našych wutšobow pśez swětego Ducha, ako nam jo dany.
(6Pśeto Kristus, jo za nas njepóbóžnych wumrěł južo we casu, ako hyšći słabe běchmy.
7Něto pak wumrějo lěbda něcht za pšawdosćiwego luźa; ale za to dobre wumrěś se snaź něcht dowažyjo.
8Bog pak wopokazujo swóju lubosć k nam we tom, až jo Kristus za nas wumrěł, ako hyšći grěšniki běchmy.
9Šym wěcej buźomy něnto pśez njogo wobzwarnowane pśed gniwom, za tym až smy wupšawnjone pśez jogo kšej!
10Pśeto gaž smy z Bogom wujadnane pśez smjerś jogo Syna, ako hyšći winiki běchmy, śim wěcej buźomy něnto zbóžne pśez jogo žywjenje, za tym, až smy něto wujadnane!
11Nic pak jano to, ale my se teke chwalimy we Bogu pśez našogo Kněza Jezom Krista, wót kótaregož něnto smy dostali to wujadnanje.)
Z dolnoserbskeje Biblije wót lěta 1868:
) + A
) + M
) + T
) + C
) + F
) + U
) + D
) + W
) + Q
) + N
) + I
) + P
) + L