06. smažki 2022 (drugi swětkowny swěźeń)

06. Juni 2022 (Pfingstmontag)

✝️ z. 2 Turjej: Serbska swětkowna (faraŕ Ingolf Kśenka).

✝️  14:00 Uhr Tauer: wendischer Pfingstgottesdienst (Pfarrer Ingolf Kschenka).

Łužyski cerkwiny źeń

Pokaž mě, Kněžo, swóju drogu. (Ps 86,11)

Wót 24. do 26. junija 2022 se wótmějo w Zgórjelcu Łužyski cerkwiny źeń.

• Pěś cerkwinych wokrejsow z dweju krajneju cerkwjowu pśepšosyjo pód nimskim dwójozmyslnym motom VON WEGEN na swěźeń do Zgórjelca. Comy skobodnje do pśichoda glědaś a nowe drogi wopytaś, njeglědajucy na młogu zadoru. A wjaselimy se na wjeliki festiwal wěry a bogadowěrjenja.
• Ramik póbitujotej wótwórjeńska a kóńcna namša z biskupoma Christian Stäbleinom (EKBO) a Tobias Bilzom (EVLKS) a wjele sobustatkujucymi. Namšy buźotej ze serbskim późělom.
• Ekumeniski źeń chorow a krajny źeń pozawnow stej źěl cerkwinego dnja. Mimo koncertow móžomy se wjaseliś na musical wó wuknikoma z Emausa. Dalšnej muzikaliskej wjeraška buźotej na pśikład a capella kupka „Alte Bekannte” abo źěłaŕnja za muzikarjow w centrumje młodostnych.
• Buźo dogromady 17 centrumow za wšakorake teologiske, kulturne abo politiske temy, kenž su wesrjejź města rozdźělone. Wótcakajo nas wuměna k pšašanjam našeje wěry a k aktualnym tšojenjam na swěśe. Na Cerwjenem zofje pśepšosyju luźe z cerkwje a politiki na dialog a zmakanje. Pśigronili su sakski ministaŕski prezident Michael Kretschmer, znajaŕ Israela prof. Dieter Vieweger a serbska grajaŕka Gabriela Maria Šmajdźina. Dalšne gósći wobogaśiju wuměnu k temam diakonija, měr, serbske žywjenje, kubłanje a dialog mjazy nabóžninami.
• Pódla pśednoskow a podiumowych diskusijow póbitujo cerkwiny źeń móžnosći za wósobinskwobradowanja, informaciske stojnice, kubłańske pósrědnjenja a kopicu akcijow za sobu cynjenje. Někotare dypki programa běže paralelnje, ale głowne zarědowanja se wótměju tak, až móžnosć jo dana, se wobźěliś na Bóžych słužbach a nabóžninach.

Aktualny pśeglěd a program Łužyskego cerkwinego dnja glej: www.lausitzkirchentag.de

25. smažki 2022 Zgórjelc: Wulět ze śěgom Serbskeje wósady Dolneje Łužyce na Łužyski cerkwiny źeń. Pórucyjo se specielnu jězdnu kórtku za 9 €. Wótjězd ze serbskeju promštowku Katharinu Huglarjoweju jo zeger 09:04 na pśistupnišćo 7. Pśijězd na dwórnišću w Zgórjelcu jo zeger 10:15. Wót tam jěźo bźezpłatny shuttle do centruma městna.
25. Juni 2022 Görlitz: Ausflug der Serbska Wósada mit dem Zug auf den Lausitzkirchentag. Es wird das 9 €-Ticket empfohlen. Die Abfahrt mit der koordinierenden wendischen Geistlichen Katharina Köhler ist um 09:04 Uhr auf dem Bahnsteig 7. Ankunft auf dem Bahnhof Görlitz ist 10:15. Von dort fährt ein kostenloser Shuttlebus in das Stadtzentrum.