Zachadny tyźeń
Wšykne dejmy se zjawiś pśed Kristusowym sudnym stołom.
(2 Kor 5,10)
Grono tyźenja
Njeźela zamrětych
Daś waše laźwja su hopasane, a waše swěcki su zapalone.
(Lk 12,35)
Pśiducy tyźeń
Lej, twój kral pśiźo k tebje, spšawny a pomocny.
(Sach 9,9)
Kjarliž
Lied
Knězowa zemja jo
Knězowa zemja jo,
hupóžycone to,
źož smy how žywe.
Toś do słužby se staj,
cas drogotny jej daj,
njezabyń dary.
A z mócu nowego
ty stwóriš rowno to,
což dajo pokoj,
We duchu naźeje
juž źinsa chopi se
swět wótworjony.
Na drugego źiwaj
a dual hoplěwaj
za plural pótom.
Wše broni wótedaj,
spiw měra zaspiwaj
tež w serbskej rěcy.
Buź mócny w sćerpnosći
tek z winu dalej źi
pó Bóžych drogach.
Ak jo Jezus drogował
a słabych mócował,
lubował Boga.
(słowa: Christiana Piniekowa 2021, nimski: Die Erde ist des Herrn, Jochen Rieß 1985
głos: Matthias Nagel 1985)
Módlitwa
Zmilny njebjaski Wóśc, kenž sy nam wobraźił wjele darow a mócow, pomogaj nam, aby je wuznali ze źěkownosću a je wužywali pó twójej wóli, pśez našogo Kněza Jezom Kristusa, twójogo Syna, kenž jo z tobu a ze swětym Duchom žywy a se kněžy wót nimjernosći do nimjernosći.
Kněz Bog, njebjaski Wóśc, ty bjerjoš luźi do swójeje słužby. Togodla tebje pšosymy: Daj, až tebje słyšymy, gaž nas wołaš, aby tam słužyli, źož nas trjebaš, pśez našogo Kněza Jezom Kristusa. Amen.
Wóścenas
Wendisches Vaterunser
Wóśce nas[1] na njebju.
Wuswěśone buź twójo mě.
Pśiź k nam twójo kralojstwo.
Twója wóla se stań ako na njebju,
tak teke na zemi.
Naš wšedny klěb daj nam źinsa.
A wódaj nam naše winy,
ako my wódawamy našym winikam.
A njewjeź nas do spytowanja.
Ale wumóž nas wót wšogo[2] złego.
Pśeto twójo jo to kralojstwo
a ta móc a ta cesć
do nimjernosći.
Amen.
[1] Idiomatiski wuraz 'Wóśce nas' se cesto wužywa. Druga forma: 'Wóśce naš'.↩
[2] teke 'togo'
Wóšcenaš
Vaterunser in Schleifer Sorbisch
Wóšce naš, kiž sy w njebjesach,
swěćone bydź twójo měno.
Ćidź k nam twójo kralejstwo.
Twója wóla se stanjo
kaž na njebju tak tež na zemi.
Naš šedny chlěb daj nam dźeńsa
a wódaj nam naše winy,
jako my wódawamy našym winikam.
A njewjedź nas do spytowanja,
ale humož nas wót togo złego.
Ćetož twójo jo to kralejstwo
a ta móc a ta cesć
wót wěcnosći až do wěcnosći.
Amen.
Wótčenaš
Vaterunser in Obersorbisch (evangelisch)
Wótče naš na njebju:
Swjećene budź twoje mjeno.
Přińdź k nam twoje kralestwo.
Twoja wola so stań
kaž na njebju tak tež na zemi.
Naš wšědny chlěb daj nam dźensa.
A wodaj nam naše winy,
kaž my wodawamy našim winikam.
A njewjedź nas do spytowanja,
ale wumóž nas wot złeho.
Přetož twoje je kralestwo a móc
a česć hač do wěčnosće.
Hamjeń.
